Berxwedana Jina Kurd û Şoreşa Demokratîk - Mehmet AVCI

Berxwedana Jina Kurd û Şoreşa Demokratîk

Yazar: Mehmet AVCI |  Tarih: 22 / 09 / 2022 |  Yazı Okunma: 218

---

Mehsa EMİNÎ û Şoreşa Demokratîk;

  Ew pergala ku ji porê jinekî bitirse ,yan jî eger ku porê jinekî bibe sedemê hinde erîş û terora dewletê  meger wê dewletê zûde windakirîye.

         Îro li deh'an bajar û navçeyên Rojhilatê Kurdistanê bi druşmeya ku "mirin ber cumhurî îslamî", "yan mirin yan azadî" li pir gelek deveran gelê me yê Rojhilatê Kurdistanê pey şopa şehîd Jîna Mehsa EMİNÎ bo azadîya jinê û  Kurdistanê li qadan serî hidane.Keç û jinên Kurd  bi çalakîyên demokratk ên curbecur (di serî'de daxistina  darebeyên dikanan,dansa dor agir,qusandina porê xwe û şewitandina laçikan've)  rejîma ceberrut şermezar û lanet dikin.Mixabin rejîma Molla ya hov, di şûna ku bersîv bide daxwazên gel ên demokratîk û însanî,bi hemû hêza dewlete've erîş dike ser  çalakvanên sivîl gullebaran dike û mirovên masum dikuje.

 ✓ŞEHÎD MEHSA EMİNÎ Û PAYÎZA

               KURDİSTANÊ

Wekî tê zanînê 10 sal berîya naha li bajarê Yemen a Tonusê,piştî polisên dewletê bi darê zorê dest dane ser seyara cewanekî Ereb ê sebzefiroş,wî şagirtê zanîngehê hemberî terora dewletê bi armanca protestokirinê  çalakîya xwe Kujtinê pêkanî û bedena xwe dabû ber agir xwe şewitandibû.Ha piştî vê çalakîya trajîk ya protestokirinê a cewanê Ereb, li seranserê erdnîgarîya Ereb'an li Tonusê bigre heya Misr û Behreyn û Surîyê wijdana gel'an rabû serpîyan û "Bihara Ereban" jî vî rengî destpêkiribû. Her çendî zeman û zemîn,sedem û encam,şert û merc, û dîsa lehengên serîhildanê û qehremanê raperîna civakî ji hev cidabin jî, lê belê armanca xwe yeke. Ew jî, daxwaza gel ya azadîyê û aşîtîyê, lêgerîna demokrasîyê û wekhevîyê ye, daxwaza dad û adaletê ye, daxwaza rawestandina zulm û zextên bê sînore ku di hemû qadên jîyanê'de li ser hemû beşên civakê tête mesandinê.Taybetî jî armanca raperîna gel, rawestandina teror û tecawizê ya li ser  jinê û bê guman pêkve daxwaza jîyanek aram û daxwaza nan û huquq,debar û mafên bingehîne .

      Wekî tê zanînê her çendî polisên dewleta Mollê Îranê ya teokratîk a paşverû bi hinceta ku porê keça Kurd ,gorî hîcaba îslama şîîyan nehatîye poşîn(pêçanê) bi vê hincetê qetilkirin.Lê ya rast û armanca Mollê Îranê ne tenê hîcab û porê jinê ye.Por û hîcab ji bona Molla tenê bafik-bahaneye.Armanc di şexsê Mehsa EMİNÎ'de civakê biçewisînin û gefan li gel bixwun. Lewra nîvê jinên Molla û jinên îranê bi xwe jî mirov dikare bêje serqot û pêxasin.Ku Molle bi xwe jî bi kiryara pergala "Mara muta"yê eşkera deyusîyê dikin.Herkes baş dizane ku sîstema Mollê Îranê di warê fermî'de  rojane,mehane bi rêbaza"Mara Muta"yê jinan dikirin û difiroşin. Gelo mirovên deyus û bê namus û bê exlaq hîç pêkane û dikarin parazvanîya exlaq bikin û yan jî edeb û exlaqê bedew fêrî civakê bikin?

               Erîş û terora dewleta Mollê Îranê û taybetî jî îskence û hovîtîya dijberî Mehsa EMİNÎ,ne tenê ji bo hîcab nekirina porê wêye.

 Di şexsê Mehsa EMİNÎ 'de esil hedef JİNA KURD ya hemdemî ya  azade. Hedef hişmendî, felsefe û rihê jina Kurd,rihê welatperwerîyê,rihê Vîyan Peyman'an,Şirîn Elemihoîyan e.Hemû erîş û terora Cumhurî Îslamî dijberî jina Kurd e , dijberî gelê Kurd e, dijberî gelê Azerî û gelê Belucî û dijberî hemû gelê Îranî yên azadîxwaz ên pêşverûye.

            Gelo çima dewleta Mollê Îranê hinde hêrîşî ser jina Kurd, erîşî ser vîna wê ya azad,erîşî ser  jîyana azad dike? Çunku pergala paşveru ya Molla, teqez ji Xweda natirse.Lê ji Xweda bêhtir jî gelê Kurd û jina Kurd ditirse.Jina Kurd û hemû jinên Îranî ji bilî zincîrên koledarîyê tiştekî îro windakin nîne.Lewra sîstema teokratîk a paşverû xîmê  selteneta xwe li ser koletîya JİNÊ û li ser tunnekirina gel'an avakirîye.Mollê minafiqe jinfiroş baş dizanin ku, çewa  jina Kurd li Şengal û Kobanê,li seranserê Surîyê û Îraqê çewa DAİŞ têkbir, taru-markirin û dawî li dewleta teror û tecawizê anîn û tunnekirin heman rengî wê zû-dereng rojekî dawîyê li textê Mollan jî bihînin.Sedemê vê ye ku hinde hêrîşî ser jina Kurd dikin.

           Evro hemû dinya-alem dibîne ku çewa deh sal berê xortekî kedkar bû sembola "Bihara Ereban", îro jî keça Kurd Jîna Mehsa EMİNÎ,bûye egera serîhildana gelê Kurd yê Rojhilat  û bûye nîşana şoresa demokratîk.Lewra pergala Molla hinde dijwarî bi hêza qanunî've  erîşî ser jina Kurd û cewanên Kürdan dike.Ev êrîş,dijberî vîna jina Kurd û vîna asî ya serhildêre.Wekî di vîdeo û dîmenan'de jî tête dîtinê, şehîd Mehsa EMİNÎ serî natewîne û radestî polisên pergala paşverû nabe, berxwedanek bê hempa dide hemberî Polisan.Heman rengî mirov dikare bêje polîsên sîstema hov ji sexmera ku Mehsa EMİNÎ jinek Kurde welatparêz û azadîxwaze hê berêde ji bona xwe kirine armanc û hedef.Wer ne na ev  buyer bi rengekî spontane derneketîye holê.

 Heman rengî piştî şehadeta Mehsa EMİNÎ çalakîyên gelê Kurd jî ên protestokirinê jî  tenê ji bo şermezarkirina Kujtina Mehsa EMİNÎ nîne.Heman demê'de ji bona hemû mafên xwe yê netewî,demokratîk,çandinî, ekonomîk û însanîye.

Piştî raperîna gelê Kurd li seranserê bajarên Rojhilatê Kurdistanê,li Tebriz û deverên cida gelê Azerî jî bi " diruşme ya;" Azerbaycan şîyare,bi Kurdistanê're piştgîre" mînaka hevkarîya gel'an a demokratîk û enternasyonal dan ayankirinê.Bê guman ev destek hêjayî slavkirinê ye,Em gelê Tebrizê ên pêşverû û demokrat're spasdarin. Lê ev ne bese, pêwiste ev çalakîyên demokratîk bêhtirîn berz û berfirehbin.Bê guman em baş dizanin ku welatên wek Azerbaycan û Kurdistanê ên kolonyal çarenus û rizgarîya wan bi hev're ye.Lê divê wek trajedîya Komara Mahabad û Azerbaycanê ya sala 1946'an nebe û gelê Kurd tenê nehêlin...

    Hemen rengî divê li her çar perçên Kurdistanê jî bi meş û xwe pêşandanên demokratik've em destek û piştgîrîyê bidin xwuşk û birayên xwe ên Rojhilat ên wêrek û canfeda.

        Eger ku hêzên global û emperyal di warê dîplomasî,sîyasî,aborî, bazirganî,leşkerî û psikolojîk'de ambargoya li ser Îranê bêhtirîn bişidînin û dorpêçkin, heman demê'de di her alî'de jî destekê bidin gelê Kurd û hêzên îranî ên demokratîk, wê hingê têkçûna Komara îslamê ya Îranê a ceberrut bêhtirîn wê nêzîkbe.Lê tenê peyamê şermezarkirin û protestokirinê've hîç tu tişt nayê guherandin û veguherandinê. Berovajî vê eger zextên li ser dewleta teror û zulmê girantir nebin pergala Molla wê bêhtirîn xurtbe û wê bêhtirîn xwîna bê guneh'an mînanî hercar  birijîne ...Hîç guman nîne wê rewşenbîr û leheng û pêşrewên gel hemûyan yek bi yek daliqîne .

      Gorî agahî û nûçeyên medya civakî, heya naha di çalakîyê protestokirinê'de 19 kesan canê xwe ji dest daye ,496 kes birîndarin û nêzî hezar kesî jî hatine girtinê.Eger ku sazîyên navnetewî û dîsa partî,sazîyên Kurdan bertek nîşan nedin, vê carê çalakîyên protestokirinê wê veguherin ayînên îxdam û daliqandinê.

17:05

Yazarın diğer yazıları
Kurtaj cinayete Nekeve Îlûn Mehzunîye Waxt Derenge Ez Sond Dixwum Bi Şev û Rojê Bakmak İle Görmek İlizyon İle Hakikat Gelo Tu Dizanî Gulîbirîn Çîye? Eger Tu... Biri Miraç Biri Kâbe Ez Te Teşbîhê Tîrmehêkim Kurdistan Warê Kewneşopîyan Û Jîyanê Ye Ez Westîyam Qurbanîyan Azadkin Bihar Barane Buyera Li Bismilê û Bê Dewletî Siyaset û Ticaret Xana Keyqubad Mukurhatin û Heqîqet Mêjîyê Hin Kurd'an Lewêtîye Oxxx Be Fuhrerê Felaketê Hoy Hawar Newroz Roja Nûhe Rêwîtî û Çavdêrî Piştî Erdheja Erdnîgarî û Erdheja Sîyasî Min Dil Buye Dojeh Em Gel'in, Em Millet û Netew'in Cenga Zivistanê Zimanê Dojehê Çavbeleko Ez Qurbano Şefqet û Merhamet Ax Jana Dil Dîsa Salek Qedîya LI NAVENDA PARİSÊ KOMKUJÎ ÇÊBÛ Hey mirovahîy tu li kuyî serî bilindke yan ji, Ey qiyamet vêca tu rabe warê Ez Nizanim VEGERE WARÊ Berxwe Bide Ha Parêzer Medet Serhat Bîrtînim!.. Payîz Rengê Xatirxwastinêye Şoreşa Doxînê Şertê Îslamê yê Şeşemîn Pejirandina Navê Kurdistanê ye Berxwedana Jina Kurd û Şoreşa Demokratîk MAFÊ PERWEDÊ Bİ ZİMANÊ KHALBAVAN Û PİRSGİRÊKA ASÎMLASYONÊ HEVALÊ QENC û XERAB TURÊ SPÎ Û BİRÎNA REŞ ŞÊX SEÎD RUMETA GELÊ KURDE Klebtomanî Neyarti û Nexweşî Azadî Ji Bo Dîl'ên Nexweş û Dîlên Polîtîk Carna Bêdengi Qebulkirine Derûnîya Hecîyan û Dijminatîya Şeytan Dubarekirin, Çendî Hingivbe Jî Tahle Şeb Çiraxa Îd û Berat'an "Hozanê" Nezan û Mamostê Erzan PÊŞİN HUKUM Ev Ne Dîne Dînîtîye Ev Dîyanet Jî Xîyanete Gulane Gul Diqurçimin Bê Av û Tav û Bê Roj û Tîn Hîç Pêkane Gul Bibin Şîn CEJNA REMEZANÊ Û YEKÊ GULANÊ PÎROZBE HDP û NATO AX DÎSA NEWROZE Wexta Ku Exlaq Cihekî Terk Bike Ajal Ji Mirovan Bedewtirin AX HELEPÇE Kulav Gû Malîava Mamoste Zara Muhammed Rumeta Kurd û Kurdistanê Ye Merhaba Sersala Nuh EZ NALÎNEK CEMİDÎ ME HECA PİSÎKÊ Û HEV HELALKİRİNA CHP'Ê Dara Jîyanê Bi Agir Tê Avdanê Bê Te Kevir Jî Serma Dikin Derunî û Taybetmendîyê Kesanîyetên Dewşîrme Şengal û Jenosîd Bê Welatî Bê Dayîkbûne Lê Bê Dewletî Bê Xwedîtî Ye Serdem û Sifet Hoy Çîyayê Çarsale Qudus Û Ayasofya Bir Çocuk Gördüm Bê Dadî Ji Koronavirusê Kujertire Helebçe Zanyarîya Dayîkên Kurd Ziman Û Hebûn Evînek Qedexebuyî Do Tîretîya Di Binê Mêjî'de Dilopek Ava Zelalî Tu “Kutsal Fahişe” Dia Baranê û Dîyanet Dia Baranê Ol û Îzafîyet Laqirdîyên Der Barê Koronavirusê Ez Xencerek Xwînî Me Mirin Bila Navê Te Qehpikbe Navê Firaqê, Rêwîtîyek Bê Bilête Tofane Hêsirên Te Nezanî û Nexweşî Mirin Tarîye Serpêhatîyek Ya 12'ê Êlûnê "Xweda Tunne,Peyxember Jî Çûye Betlanê" E'zmûn Û Doxîn Hêz û Bedewbûna Evînê Gaz û Laz, Laz û Gaz..! Welatekî Bifikirin Havîn Mehkumê Bê Dengîyê Ye Heya Bû Merî Emrek Borî Ez Şengalim... Îslam û Şur !!! Ayasofya Û Veguherandina Nasnameyê Faşîzm Bi Xwe Pergala Teror Û Tecawizê Ye Kenên Te... Xizanî Û Nezanî Deva Mê Û Muawîye Têkçûna Exlaq Û Helakbûna Civakê Hey Avê Avê Kulavgu Malîava Min Dil Divê Kulavgu Malîava Ji Bereka Çîyayê Agirî Ta Serokatîya Dewleta Vatîkan! Roja Dayîkan Ji Bereka Çîyayê Agirî Ta Serokatîya Dewleta Vatîkan! Şivan Û Bizinên Kuvî Rojîya Mirinê Û Rojîya Remezanê Üç Bin Yıllık Vahşet Geleneği Recm..! Cotê Bazan Çêleka Çêl Boxe Û Do Mela ! Ev Jî,Daxwazname û Dia Mîna Koronavîrusê Ye ! Helîn Bölek Felsefe Ya "Her Bijî Padîşahê Min" û "Birtîya Gelan" Esil Erdheja Rastî Di Mêjî Û Wijdanan'de Çêbûye ! Kurdî Axaftin Û Kurdî Nivîsandin Berxwedane ! Miks Qasim Suleymanî, Amerika Dawî Lê Anî Piyango Mîzgin Bo Gelê Kurd Ev Erdheja Dile Bi Rasti Kurd Kine? Yan Ji Kine Kurd? İslam û Şaristan Sakın Ha Îhmal Etme Kendinî !.. Şîn Û Şahî Civaknasîya Kurda Bavê Min Didar û Ditina Goristana Raman Û Însan

Henüz yorum bulunmamaktadır. İlk yorumu siz yapabilirsiniz.

Ad, Soyad	*
E-Mail	*
	Kalan karekter sayısı:
Yorum	*
	Güvenlik kodunu giriniz: *
	(* Doldurulması zorunlu alanlar)